هذي نصايح لكل بنيه جاها النصيب وبتروح لبيت الحبيب
نصايح فيها فوائد بطريقة سلسلة وجميلة وبإسلوب محبب للنفس
اترككم مع النصايح والله الله بالتطبيق
*****************
لا تحسبين العرس توفي وكتكات ... ولا تحسبينه تويكس والا باونتي
ولا تحسبين العرس كيكة وطورطات ... وصلة قطعتيها ووصلة بلعتي
ولا تحسبين العرس تصفيق واصوات ... وانتي على صوت الغطاريف همتي
ولا تحسبين العرس كوشة ولمبات ... وانتي كما الطاووس فيها جلستي
ولا تحسبين العرس احلام في الشات ... يا ما بنيتيها ويا ما هدمتي
ولا تحسبين العرس روحة وجيات ... هيا اقضبي بيتك عسى ما انهبلتي
ليلة سعيدة وانتي احلى الجميلات ... تشخص عيون الناس اذا حضرتي
( واللاينر ) حطيه بلا زيادات ... لا يخترب المكياج اذا دمعتي
( والمسكرة ) تحتاج لطف ومدارات ... حتى يبان ازين اذا غمضتي
( والاسبريه ) رشيه حتى البصيلات ... يمسك شعرك زين ولو كان زدتي
وترى ( المحدد ) فن يحتاج رسمات ... يبان رسمه زين اذا ابتسمتي
العرس يا بنية ماهو شعارات ... تفنى مراسيمه وتبقين انتي
ويبقى شريك العمر راعي الطويلات ... هذا هو العرس الحقيقي عرفتي ؟
اول نصيحة لك حفظ الصلوات ... صلي العشا والفجر في كل وقتي
وفي ليلة العرس الموفق وبالذات ... ادعي الكريم الله اذا سجدتي
والتعري لاترضين عند الكوفيرات ... ولبسك يملي العين اذا لبستي
واللي على زوجك تحرضك مرات ... ارجوك شوتيها شوتت بلنتي
والصبر في العشرة حتى على فتات ... يا ما حلا فعلتك يومك صبرتي
واذا حفظتي السر مع المدارات ... زوجك ترى في عيونه انتي كبرتي
والسوق يعني هاه وقت الضرورات ... والا ترى زوجك يدور لـ مفتي
زيدي الغطاية وكثري في العبايات ... والله يرضى عنك اذا سترتي
اوصيك بالمكبوس وكثر الايدامات ... حتى لو انك من سببها متنتي
وخلي الريجيم اللي فشلتي فيه مرات ... سويه مرة واحدة لا ولدتي
وسلامتكم
موضوع: نصايح للعروس .. لا تفوتكم 
الثلاثاء أغسطس 18, 2009 1:02 am