مين عاوز يشوف حظك اليوم؟!

السلام عليكم ورحمه الله وبركاته


كل ما قرأت فى الجرائد اليوميه والمجلات باب حظك اليوم ....

أجد الكلمات تشجع القارىء ليقبل على الحياه (وحلاوتها) ....

فسجلت الحظ وحاولت ترجمته على الواقع( وجمـاله ) ......

ووجدت النتيــــــــجه هكــــــــــــذا ....

الحمل/تصلك اخبار ساره .(المرتب يزيد5جنيه وترزق بتؤمين)

الثور/انسان يغير نظرتك للحياه.(تقابل مأمور الضرائب )

الجوزاء/مكاسب بعد العمل.(تلاقى كرسى فاضى فى المترو)

السرطان/نشاط فعال اليوم .(تقفى فى طابورالعيـــــــش)

الاســد/مسئوليات جديده تلقى على عاتقك.
(دفع فواتير النت والموبايل ومصاريف المدارس والدروس الخصوصيه...الخ)

العذراء/كن حذرا فى اتخاذ القرار.(هتختارى العيش ابو شلن ولا ابو ربع جنيه ) .

الميزان/تستطيع ان تظهر مواهبك الشخصيه .
(بادعاء الجنون للافلات من الديون )
.
العقرب /تحركاتك أساسها مدخراتك .
(تجرى وراء فوائد البنوك وشركات توظيف الاموال )

القوس/يحيط بك الاصدقاء ليساعدوك .
(لمواساتك بسبب ضريبه العقارت والدمغات والتركات)

الجدى/تبدأ علاقات اجتماعيه جديده .
(تتداخل خطوط الموبايلات مع التليفونات مع البوتجازات)

الدلو/سعاده مفاجأه تشعرك بالهدوووووء .
(ولادك وولاد الجيران بيلعبوا بهدوء...لازم عيانين)

الحوت/مقابله انسان عزيز لديك .
(تجدى بالمنزل حماتك واخت جوزك)

هههههههههههههههه

يالا يا حلووين بالأمانه كدة كل واحد يقول حظه طلع أيه ....